Die Alde unn die Junge (Reiner Thielen)

Die Alde unn die Junge

von Reiner Thielen

 

Was willschde donn, du alda Knopp,

du hascht kenn Ohnung, alda Tropp,

so soon die Junge zu da Alde

unn dobei wäre se gutt gehalde,

da Alde aach mol zuzuhere

vielleicht kinnde se doch was lehre.

Doch das iss heit jo nimme in,

in jedem Junge steckt heit drinn,

zu menne, er sei Suppermann,

aach wenn er iwwerhaupt nix kann,

ongewwe un de Große mache

unn iwwa Alde aach noch lache,

Selbschtiwwerschätzung bis zum Knall

unn gonz schnell uff die Schniss gefall.

Wie dumm sinn doch die junge Scheissa,

die wäre bessa e bissje leissa,

bishär war’s nämlich so im Läwe,

daß aach die Junge Alde gäwe.

Unn mim Alder dutt aach Weishät kumme,

das wisse halt noch nit die Junge.

Drumm duhn mir denne aach verzeie,

loss doch die Junge nur mol schreie,

die werre schunn von selwert alt

unn honn donn aach ihr Junge bald,

iwwer die se sich kinne uffreche.

Alt werre, Ihr Leit, iss doch e Seeche.

 


 

Wenn Dir das Mitmach-Portal:   SAARLÄNDISCHE DORFZEITUNG  und Ihre Inhalte gefallen,  dann mach doch einfach mit.

Sende Deinen Beitrag oder Fotos an : e-mail@saarlaendische-dorfzeitung.de

Wenn Dir die Dorfzeitung gefällt, teile diesen Beitrag